Ntrŭnh ƀư nau nchrăp tâm boh hun hao văng sa, rêh jêng bah ăp n’gor, nkuăl Tây Nguyên ndrel nkuăl ƀon têh Hồ Chí Minh, lơ 29/11, ta nkuăl ƀon têh Kon Tum, UBND n’gor Kon Tum ndrel Rnâng kan mât nkuăl công nghệ prêh nkuăl ƀon têh Hồ Chí Minh tâm rgop ƀư tâm nchră khoa học “Ntrơn rgâl mrô tâm nau kan tuch tăm, nau dơi nthoi nau kan đah Tây Nguyên ndrel nkuăl ƀon têh Hồ Chí Minh”. Tâm nchră geh nau râng bah 150 nŭih.

Nau mbơh rnôk tâm nchră, ntrơn rgâl mrô tuch tăm tâm Tây Nguyên hô lah du nau kan mhe, rdâng đah âk nau ntul rlong ngăn lah mpeh nau kan ndrel nau geh dŏng nau kan mhe bah ƀon lan. Nau ntrŭnh ntrơn rgâl mrô mra geh leo tât ăp nau rgâl mhe, kơl an ăp n’gor bah Tây Nguyên mô knŭng hun hao nâp nâl ma hôm dăng lơn. Ăp nŭih mât kan, nŭih ƀư nau kan khoa học, ntŭk ƀư kan tăch rgâl ndrel êng nŭih hŏ geh tam nchră, leo luh nau kan rgop nau ntrŭt dăng nau dŏng kan ntrơn rgâl mrô tâm nau kan tuch tăm bah nkuăl;

Ntrŭt dăng nau dŏng tuch tăm mhe tâm tuch tăm, n’hao nau tâm boh, tâm nthoi ntŭk kan tăch rgâl khoa học ndrel công nghệ, ntil ndơ dah n’gor Tây Nguyên ndrel nkuăl ƀon têh Hồ Chí Minh. 9 nau mbơh nchră sŏng, 24 nau mbơh geh njoăl rnôk tâm nchră bah ăp nŭih mât kan, nŭih kan khoa học, ntŭk kan tăch rgâl ndrel nŭih ƀư êng kan hŏ mbơh nau ntrơn rgâl rmô ndrel hun hao tuch tăm nâp nâl đah ăp n’gor bah nkuăl Tây Nguyên ndrel nkuăl ƀon têh Hồ Chí Minh; mbơh ăp nau dŏng tâm nau kan mhe bah tuch tăm./.