Tĭng nĕ, rơh rƀŭn nchră ndal tal 2 mbra geh rơh rƀŭn nchră lor ta kêng măng aơ 4/1 n’hanh ntơm pơk ta nar 5/1. Tĭng nău nchrăp bôk nău kan, Quốc hội mbra rgum nchră tâm 4 nar nchrăp nglôch lôch ta nar 9/1. Ta rơh rƀŭn nchră aơ, Quốc hội uănh n’hêl âk nkô̆ nău khlăy, gay ma ntrŭnh mbơh ăp nău jăch ndal, khlăy, an tâm di đah nău ŭch bâh nău rêh jêng.

Ta rơh rƀŭn nchră aơ, nkô̆ nău khlăy geh Quốc hội nchrăp mbơh lah nău nchrăp Nghị quyết mpeh nău nchrăp kan lĕ rngôch ngih dak rơh năm 2021-2023, mpŏng uănh tât năm 2050. Tĭng nĕ, nkô̆ nău dŭt âk rgum ta nău kan tơm khlăy ta rơh nchrăp kan, mpŏng kan an hun hao nău wăng sa- rêh jêng đah ăp nkual tơm ngih dak.