Nau mbơh ăp ntŭk kan tăch rgâl nâp nâl tâm Việt Nam năm 2024 đah nkô̆ “Ntŭk kan tăch rgâl hao jêng săk tâm rnôk rach năm ndrih” geh Hội đồng ntŭk kan tăch rgâl yor nau hun hao nâp nâl Việt Nam tâm Liên đoàn ƀư nau kan tăch rgâl dnrel Công nghiệp Việt Nam (VCCI) ƀư tâm măng 29/11 ta Hà Nội. Tâm nau kan geh 100 ntŭk kan tăch rgâl nâp nâl ntoh lư tâm nau kan ê nkra ndrel tăch rgâl geh rnê nkhôm. Ntoh nau tâm nar mbơh, Kruanh VCCI, Kruanh rnâng kan rđau bôk nau kan tăch rgâl nâp nâl tâm Việt Nam (CSI) Phạm Tấn Công mbơh, nau geh uănh bah VCCI đah ăp ntŭk kan geh nau dơi nâp nâl bah Bôk nau kan SCI tâm bơi tât 10 năm rlau aơ hŏ ân saơ, ăp nau kan tăch rgâl nsôih ƀư nau kan ê nkra, tăch rgâl, nâp nâl.

Tĭng dơi ăp nau ntul rlong ndrel gĭt ăp nau dơi dôl geh pơk luh nau ntrơn rgâl ndrih, ntrơn rgâl mrô bah ntŭk kan tăch rgâl. Năm aơ, bôk nau kan rgum geh bơi tât 500 ntŭk kan tâm lam dak, ƀư tâm ăp nau kan. Tâm nau mbơh, Rnâng kan ƀư rnê ndrel ryơk 100 ntŭk kan tăch rgâl nâp nâl tâm ăp nau kan ê nkra ndrel tăch rgâl. Tâm nê, TOP 10 ntŭk ƀư nau kan tăch rgâl nâp nâl rnoh 50% ntŭk kan tâm dak ndrel 50% ntŭk kan geh tơm prăk tă bah dak bah dih./.