Ôi 27/1, jêng lah mùng 6 Tết Nguyên Đán, ta Nkual têl ơm yău neh dak mha êng Đền Hai Bà Trưng, nkuâl Mê Linh, nkual ƀon têh Hà Nội, Nuĭh dơi manh ƀư kruanh dak Võ Thị Ánh Xuân râng Lễ nkah ndray 1983 năm rơh dâk lơh Hai Bà Trưng n'hanh ntơm pơk Lễ hội Đền Hai Bà Trưng Xuân Quý Mão 2023.

Lor rnôk râng Lễ nkah ndray, Nuĭh dơi manh ƀư kruanh dak Võ Thị Ánh Xuân n'hanh ăp nuĭh ntơh măt mpoh nhang, nkah gĭt Hai Bà Trưng, bar hê bu ur dăng janh bah rnoi nuĭh. Lah ta rơh lễ, Nuĭh dơi manh ƀư Kruanh dak Võ Thị Ánh Xuân nkah tay rơh dâk lơh Hai Bà Trưng kăl e nơh, lah rjăp, rơh dâk lơh Hai Bà Trưng geh nkô̆ khlay dŭt n'hâm têh kuâng, hŏ ntlơi an tay rnoi nuĭh he du drăp ndơ nuih n'hâm mô hôm dơi ntĭt; lah nău kơt nti "Ƀon lan lah n'gu tơm", mât uĕh suan dăng tâm rnglăp lam rnoi nuĭh, mât uĕh han săk, bôk rngok, nuih n'hâm ƀư tơm bah ƀon lan lah nsum n'hanh bu ur Việt Nam lah êng tâm du njăr trong jong rdâk njêng neh dak n'hanh mât njrăng neh dak bah rnoi nuĭh he.

VOV/Nuĭh rblang: Điểu Thân