Điện lực Dak Lak kan ndrel đah Cảnh sát Njrăng n'gang puh n'hât ŭnh sa n'gor Dak Lak ƀư rơh nti trong nkra puh n'hât ŭnh sa, kơl nuĭh geh nău tât.

Công ty điện lực Dak Lak kan nsum ndrel Cảnh sát Njrăng n'gang puh n'hât ŭnh sa Dak Lak mhe ƀư rơh nti trong puh n'hât ŭnh sa, kơl nuĭh geh nău tât. Nău ntĭt ƀư ta nkual Kho prăp ndơ dŏng kan bah PC Dak Lak ta nkual ƀon têh Buôn Ma Thuột geh ŭnh sa, geh ma nău roh huach têh lah mô ngăch puh n'hât ŭnh sa.

Ngăch dĭl, công nhân điện lực ta ntŭk hŏ ntrơn du nuĭh, puh n'hât ŭnh sa bôk năp n'hanh mbơh an Cảnh sát njrăng n'gang puh n'hât ŭnh sa 114 tât kơl. Rơh nti rgop năp nău gĭt blău an mpôl puh n'hât ŭnh sa bah điện lực Dak Lak ăp nău gĭt jru  mpeh nkô̆ pah kan puh n'hât ŭnh sa n'hanh kơl nuĭh, tâm ban kơt dŏng geh nău tam ăp ndơ ntrŭp dŏng, ndeh rklư, ndơ dŏng puh n'hât ŭnh sa. Aơ lah nău kan gay n'hao nău dơi kan nsum, nkra nău tât đah ăp mpôl kan rnôk geh nău tât rtoh ŭnh sa./.

VOV Tây Nguyên/Nuĭh rblang: Điểu Thân