Rơh ôp ƀư bah nar 3 tât 5 khay 11. Ăp rmôt nău dơi Quốc hội săch ôp lah: Ndâk njêng, Nội vụ, Thông tin n’hanh Truyền thông, Thanh tra. N’glêh dŭt rơh ôp, Thủ tướng Chính phủ Phạm Minh Chính mbra ƀư ăp nău geh tât n’hanh ơh nău ôp bah đại biểu Quốc hội. Ăp rơh ôp dơi pơk ntuh rơi rup sŏng dăng gay nuĭh ntoh măt ƀon lan n’hanh ƀon lan uănh nđôi. Du nkô̆ nău khlay êng lah Quốc hội tâm nchră mpeh nău ƀư tĭng nău kơl, pháp luật mpeh ƀư tĭng ntêm nkre, njrăng n’gang mpŭng lir lvang 2016-2021 n’hanh nău nchrăp ƀư Luật Neh ntu (nkra rgâl).

Đại biểu Trần Văn Lâm, Groi Kruanh Đoàn chuyên trách mpôl đại biểu Quốc hội n’gor Bắc Giang, Ủy viên Ủy ban Tài chính-Ngân sách bah Quốc hội.

Bôk nău bah nău dự thảo Luật geh 16 chương, 245 điều, tâm nĕ mât 28 điều; nkra rgâl, ntop tay 184 điều; ntop tay mhe 41 điều n’hanh ntlơi 8 điều. Tâm pơh pah kan đŏng, Quốc hội tâm nchră mpeh nău nchrăp ƀư Luật njrăng, n’gang ƀư prăk mô tâm dih (nkra rgâl); nău nchrăp ƀư Luật Hợp tác xã (nkra rgâl); nău nchrăp ƀư Luật njrăng mât ƀon lan; nău nchrăp ƀư Luật Rnoh khlay (nkra rgâl); dự thảo Nghị quyết an nău way ƀư tĭng rơh rƀŭn Quốc hội (nkra rgâl)...