Quốc hội tâm nchră ta rmôt mpeh ăp nkô̆ nău: Nău nchrăp lĕ rngôch ngih dak ta rơh năm 2021-2030, mpŏng uănh tât năm 2050; uănh năl mpeh ƀư tĭng nău ntrŭnh ta Nghị quyết mbrô 30, Quốc hội khóa 15 mpeh ăp nău kơl kan njrăng, rdâng nuh srê Covid-19; Dăn đă nkô̆ nău ndơ̆ ta Nghị quyết bâh Quốc hội mpeh ăp nău rgâl ndơ̆ ƀư tĭng du đê̆ nău kơl kan tĭng nău ntrŭnh ta Nghị quyết mbrô 30 mpeh ăp nău kơl njrăng, rdâng nuh srê Covid-19 n’hanh an dŏng tay săm ƀŭt mbơh dăn dŏng dak si, ndơ ƀư dak si lĕ năm an bâh lơ 1/1/2023 ma ê hŏ năn ntoch jong tĭng nău ntrŭnh bâh Luật Dược.

Ndrel nar, Quốc hội tâm nchră ta ntŭk rƀŭn nchră mpeh du đê̆ nkô̆ nău hôm nha geh âk nău tâm rgop êng êng bâh Luật uănh săm ji, mhe rgâl.