Ntoh ngơi ta rơh ntơm pơk, kruanh Quốc hội Vương Đình Huệ an gĭt, bâh nău đă ngăch ndal bâh nău ngăn, knơm ta nău ntrŭnh bâh Hiến pháp, Luật leo ƀư Quốc hội n’hanh nkô̆ nău rơh rƀŭn nchră Quốc hội, ta rơh rƀŭn nchră aơ mbra uănh n’hêl, ntrŭnh mbơh du đê̆ nău kan têh, nău khlăy n’hanh ndal kơt lah: nău nchrăp kan lĕ rngôch bâh ngih dak ta rơh năm 2021-2030, mpŏng uănh tât năm 2050, nău nchrăp Luật uănh săm ji, rgâl nkra, nglôch lôch, uănh năl nău ƀư tĭng ăp nău kơl an tâm nău njrăng, rdâng nuh srê Covid-19 ntrŭnh mbơh ta Nghị quyết mbrô 30 bâh Quốc hội, mpeh nău tơm prăk, tơm prăk ngih dak.

Ngăn lah, ta rơh rƀŭn nchră ndal tal 2 aơ, Quốc hội mbra uănh n’hêl, nglưh nău kan đại biểu đah du đê̆ đại biểu Quốc hội n’hanh uănh n’hêl, mbơh an lôch nău kan, săch pă nău kan du đê̆ nuĭh kan ta chính phủ.