Nthoi tay rơh hop tâl 4, Quốc hội khóa 15, ôi (4/11), Quốc hội ôp rkhêl tay Bộ trưởng Bộ Thông tin n'hanh Truyền thông Nguyễn Mạnh Hùng. Nkô̆ ôp lơn âk wăr ăp trong nkra gay rmal ăp nuĭh, mpôl kan geh nău tih nchih nkoch nklă nău  lư, tih ngăn ngăn ta ăp trang thông tin điện tử, rgum nchih, tăch rvăt nău lư êng nuĭh, mplư rlăm công nghệ cao.

Bộ trưởng Nguyễn Mạnh Hùng an gĭt: ntơm nơh geh trong nkoch n'hơ ta ăp nhih pah kan báo chí, tĭng quy định, ăp nhih pah kan báo chí ân ôp uănh tay, đăp mpăn nkoch n'hơ di pháp luật. Bar năm aơ geh trong nkoch n'hơ mhe ad network ( mạng quảng cáo pơk sŏng dăng geh nău khlay ƀư ndranh), jêng ăp nhih pah kan báo chí kơt lah bơi ntlơi lĕ nău dơn kan. Bộ hŏ ôp uănh, ăp nhih pah kan báo chí hŏ ŭch trong ƀư dja. Tâm ôi 4/11, Bộ trưởng Xây dựng Nguyễn Thanh Nghị n'hanh ăp nuĭh kan tâm Chính phủ hŏ ơh kloh rvah n'hanh ăp tŏng ăp nău dăn đăn bah đại biểu Quốc hội mpeh trong kan rdâk njêng.

VOV/Nuĭh rblang: Điểu Thân