ƀư tay bôk nău kan rơh rƀŭn nchră  tal poăn, Quốc hội khóa 15, ôi nar 24/10, ta Hà Nội, Quốc hội tâm nchră ta ntŭk rƀun nchră mpeh du đê̆ nkô̆ nău hôm nha geh tâm rgop êng êng bâh nău nchrăp luật uănh, săm ji rgâl mhe.

Nău nchrăp Luật uănh săm ji rgâl mhe lôch geh rgâl nkra geh 12 chương n’hanh 121 điều, âk rlău 15 điều đah nău nchrăp ndơ̆ an Quốc hội ta rơh rƀŭn nchră tal pe, âk nkô̆ nău lĕ geh mât uănh, yơn lah, hôm nha geh du đê̆ nkô̆ nău an geh vơt dơn, rgâl mhe. Luật uănh săm ji lah luật dŭt khlăy bâh n’gâng kan dak si, mpŏng tât nău pah kan mât uănh n’hanh hun hao nâp nâl bâh nău kan mât, chăm săk soan ƀon lan, geh nău kan têh tât nuĭh ƀon lan tâm ban kơt ndơ dŏng dak si, cán bộ dak si, geh ƀon lan, n’gâng kan dak si ŭch kâp, geh âk nău knơm gay ma rgâl mhe nău dơi mât săm săk soan an ƀon lan n’hanh njêng nău kan pháp lý nâp nâl an nău pah kan uănh săm ji. Tâm nĕ, nău nchrăp an geh ƀư tĭng tâm di gay ma nchrăp luật mât đăp mpăn nău ueh di, geh nău mât đăp mpăn jŏ jong.

VOV/Nuĭh rblang: Thị Đoắt