Quốc hội tâm nchră nau nchrăp Luật neh ntu (rgâl nkra)
Thứ năm, 10:02, 03/11/2022
VOVTaynguyen
VOVTaynguyen
VOV4.M'nông:Tĭng bôk nau kan bah rơh rƀŭn tal 4, Quốc hội gưl 15, ntơm bah kêng măng 3/11, Quốc hội ntơm ôp nau ndrel ơh nau ôp. Thủ tướng ndrel 4 Kruanh n’gâng kan mra ơh nau ôp bah ăp ntoh măt Quốc hội đah ăp rmôt nau kan geh tat: ndâk nkra, nội vụ, nkoch mbơh nau ndrel mêt uănh.
Ôi aơ, Quốc hội tâm nchră tâm rmôt nơm mpeh ăp nau nchrăp Luật neh ntu (rgâl nkra). Wa Trần Công Phàn, rmôt kan tă bah n’gor Bình Dương ân lah, nau kan khlay ngăn lah nau nchrăp Luật neh ntu (rgâl nkra) rơh aơ ân geh kơp uănh pă ân rjăp dơi ăp nau dơi mât neh ntu bah nŭih ƀon lan ndrel ntoh măt bah nau mât bah Ngih dak.
Ân geh mĭn nkra ân rjăp gay ma ntop tay ăp nau kan ngăn, gay geh nau dơi ân nau hun hao mpeh nau dơi dŏng neh, yơn mô dơi rgum dơm tâm 2 nau kan hành chính, ngăn lah nau sŏk lơi neh ndrel jao neh mô lah ntrơn jao nau dơi dŏng neh. Mpeh nkô̆ nau jăng lơi rnoh nchrăp tăch bah neh, uănh năl tĭng ntŭk kan tăch rgâl, âk ntoh măt ân lah, ân geh ƀư kloh ăp nau kan uănh năl ntŭk kan tăch rgâl gay ma gĭt kloh rnoh neh tơm./.
Viết bình luận