Nău ƀư Giải báo chí mbra rgop n’hâm soan gay n’hao uĕh, săk rnglăy trong kan mbơh nău mhe, nkoch trêng mpeh nău kan bah Quốc hội n’hanh HĐND; rgop n’hao uĕh n’hanh rnoh âk ăp tác phẩm báo chí mpeh Quốc hội n’hanh HĐND.

Groi kruanh rnâng kan Quốc hội Trần Thanh Mẫn an lah, ăp nuĭh báo, phóng viên mât uĕh tay nuih n’hâm lĕ nău kan, tiăr nti janh dăng chính trị, n’hao nău gĭt blău, nău rêh pah kan, tĭng trong hăn, nău ntrŭnh bah Đảng, nău kơl, pháp luật bah Ngih dak; lah ngăch, di na nê̆ n’hanh geh ăp nău rblang jru mpeh ntŭk gŭ, nău ƀư, gưl kan, nău kan, nău pah kan bah Quốc hội, Ủy ban Thượng vụ Quốc hội, Hội đồng dân tộc, ăp Ủy ban bah Quốc hội, Mpôl đại biểu Quốc hội, đại biểu Quốc hội n’hanh Hội đồng nhân dân.