Nar 24/6/1967, dak Việt Nam Dân chủ Cộng hoà (aƀaơ lah CHXHCN Việt Nam) n’hanh dak Campuchia na nê̆ ndâk njêng tâm boh nchră nău, pơk luh du trong mhe tâm lịch sử 2 dak. Rlău ma nĕ răch năm lĕ rlău, Nuĭh ƀon lan Việt Nam n’hanh nuĭh ƀon lan Campuchia hăn ndrel, dăch dêh, tâm kơl ndrel nău kan lơh njrăng rklaih đăp mpăn rnoi nuĭh, mât njrăng bri dak kơt tâm nău ndâk njêng n’hanh hun hao neh dak.

Rgum nchră nkah gĭt 56 năm ndâk njêng tâm boh nchră nău Việt Nam-Campuchia

Ndrel đah trong nchrŏng “oh nô uĕh lăng, dăch dêh way ơm, kan ndrel lam hvi, nâp nâl jŏ jong”, tâm boh Việt Nam-Campuchia lĕ mô rlu dơi nâp nâl n’hanh hun hao ăp ntil, nsĭt tay nău uĕh ngăn ngên an nuĭh ƀon lan 2 dak, rgop dŭt n’hâm an đăp mpăn, kan  ndrel ta nkual n’hanh ta lam ntŭr neh.