Tâm năm 2022, lam n’gor Dak Lak saơ ndrel ma rklaih rlau 3.200 nau tih tâm nau kan tăch rgâl, ao 316 tŏ rđil năm e, tâm nê rklaih nau tih hình sự 39 nau tih, rklaih mhal ma prăk 3.163 tŏ. Rnoh prăk sŏk kân bah nau rklaih geh 123 rmen. Ăp ntil ndơ geh tih lah: Kđar ăp ntil, pân poh, dak si mât ơm tăm, ndơ hĭng săk jăn, kho ao, ntô jot, ndơ pâl kon se, hât su rvăt tă bah dak ba dih, hât điện tử.

Tâm nar rƀŭn lôch nau kan mêt uănh nau rvăt tăch ntŭng ndơ, rlăm nau kan tăch rgâl, ndơ rlăm ƀư tâm kêng măng 6/1, wa Nguyễn Tuấn Hà, Groi Kruanh UBND n’gor Dak Lak ân lah, bol ma rnoh tŏ tih ndrel rnoh prăk geh mhal tih hao lơn rđil năm e, yơn ê geh nkoch tâm di mpeh ăp nau tih tâm nau kan tăch rgâl bah nkuăl, n’hao nau săk tam nau kan mbơh lor, nchrăp ăp nau dơi gay đăp mpăn nau kan tăch rgâl, ngăn lah tâm rnôk tết Quý Mão dăch tât./.