Ôi 28/10 hŏ ƀư rơh hop Ủy ban bar Chính phủ Việt Nam - Hàn Quốc tâl 19. Nău ŭch bah rơh hop dja gay ôp ŭanh tay lam lĕ rngôch nô nău tâm boh đah bar dak tâm ăp trong kan bah Rơh hop tâl 18 tât aƀaơ, nkre ndơ̆ luh trong rƀŏng tâm boh tâm let năp tay.

Bar ding hŏ tâm ôp mpeh nô nău n'hanh ăp trong ntrŭt ntrôl tâm boh ăp trong kan: tăch rgâl, ntuh kơl, tâm boh hun hao, nuĭh kan- rêh jêng kon nuĭh, ŭnh nar, ntŭk ntô ndơ dŏng, prăk kaih- ngân hàng...n'hanh du đêt nău kan êng ƀa ƀă. Tâm boh Việt Nam - Hàn Quốc geh tay ăp njuat hun hao dăng tâm năm rlău aơ ta lĕ rngôch ăp trong kan, nsĭt tay nău geh n'hanh tâm gĭt wât, nsing nơm nsum an lĕ bar ding. Năm aơ ntơm 30 năm njêng tâm boh dak bah dih n'hanh tâm boh hun hao Việt nam- Hàn Quốc, hŏ geh âk nău dơi têh. Kơp tât khay 9 dja, Hàn Quốc hŏ geh nklăp 9.438 trong nchrăp kan hôm geh nău tam, đah lĕ rngôch tơm prăk đăng ký ntuh kơl nklăp 80,5 rmen đôlar, lah dak tâm boh dâk bôk năp bah Việt Nam  mpeh ntuh kơl dak bah dih lăp ngăn ngăn.

VOV/Nuĭh rblang: Điểu Thân