Ƀư tĭng tay bôk nău kan tât khâl Việt Nam, măng nar 1/11, kon kađăch ndơn kan Đan Mạch Phre đơ rich n’hanh công nương Me ri Êlizabeth lĕ tât râng rơh kahgĭt 50 năm nar njêng tâm boh kan nchră nău đah dak bah dih Việt Nam- Đan Mạch. Tât râng rơh kahgĭt 50 năm nar njêng tâm boh kan nchră nău đah dak bah dih Việt Nam- Đan Mạch. Ndrel tât râng geh groi kruanh dak Võ Thị Ánh Xuân ndrel đah ndơn kan ăp n’gâng kan, ntŭk kan n’hanh doanh nghiệp bâh 2 ding. Ntoh ngơi ta rơh kahgĭt, groi kruanh dak Võ Thị Ánh Xuân lah na nê̆ Việt Nam n’hanh Đan Mạch lĕ njêng tay nău tâm boh kan nchră nău đah dak bah dih ta năm 1971, ndơm njêng  dăp lŭ bôk năp ta trong n’hao ueh tâm rnglăp tâm kơl bar ding.

Kơp bâh nĕ, Đan Mạch lah ngoăy tâm âk ntŭk ntuh kơl barding dŭt khlăy ngăn bâh Việt Nam, ntop nsrôih âk ta trong kan hun hao wăng sa- rêh jêng geh nău dơi bâh Việt Nam aƀaơ. Rlet rlău âk rach năm hun hao, tâm boh kan đah bar dak lĕ ntơm bâh tâm kơl hun hao way ơm jêng tâm boh kan tâm ban, ndrel geh ueh n’hanh lĕ geh njêng tâm boh kan ndrel lĕ rngôch ta năm 2013. Tĭng kon bu klô kađăch, Đan Mạch dôl lah dak kan ndrel tăch rgâl- ntuh kơl dŭt khlăy bâh Việt Nam n’hanh mbra geh hăn ndrel an săk rnglăy, knơm đah Việt Nam tâm trong kan mpeh ntŭk gŭ rêh  , tuch tăm, dak si n’hanh ntĭm nti.