Rmôt ăp nău bâh trong kan rdâk njêng rgum ta nău ngăn, trong kan n’hao nău dơi nchrăp kan n’hanh mât uănh hun hao nkuăl ƀon têh bâh Việt Nam, ngăn lah ăp nkuăl ƀon têh têh.

Nău ntrơn ntŭk kan, n’gâng kan luh nkuăl ƀon têh Hà nội. Ntŭk kan mât uănh ntŭk tăch rgâl neh ntu, ngih jay, nău uănh rmal ăp ntŭk kan, nuĭh kan ƀư tih pháp luật tâm nău pah kan mbơh tơih nău, rgum lĕ rnoh prăk, nău tăch rgâl neh ntu, ngih jay. Nău rdâk njêng ngih gŭ ta ntŭk rêh jêng an nuĭh geh nău geh đê̆, nuĭh pah kan, ngăn lah ta ăp nkual wăng sa, nkual công nghiệp n’hanh ăp nkuăl ƀon têh têh. Nău dơn kan mât uănh leo kan ngih dak bâh n’gâng kan rdâk njêng, ntrŭnh, ƀư tĭng ăp nău mpŏng kan mpeh kĩ thuật, rnoh khlăy, mbơh rnoh tâm trong rdâk njêng tơm khlăy. Groi Thủ tướng chính phủ Lê Văn Thành, kruanh n’gâng kan ăp n’gâng kan, kế hoạch n’hanh ntuh kơl, tơm prăk, mât uănh ntung trong, tài nguyên n’hanh môi trường, lao động-thương binh n’hanh xã hội, thống đốc ngân hàng ngih dak Việt Nam, Tổng kiểm toán ngih dak ndrel tât râng ơh nău ôp, mbơh rblang ăp nău geh tât.

Nuĭh rblang: Thị Đoắt