Tĭng nau mbơh tâm rơh rƀŭn, rơh rlau aơ nau kan công an bah bar dak hŏ tâm rgop mât uănh njrăng phung tih dôih mpeh ma tuý bah 2 dak, ngăn lah tâm trong n’har gay ma uănh năn ăp ntrong, ăp nkual tơm, jêr khuch mpeh ma tuý, ntơm bah nê uănh năl dơi 4 ntrong leo nchuăn rdeng ma tuý tă bah nkuăl “Nglah pe dak” lăp tâm Lào ndrel hăn tât ăp nkuăl bah dak Lào ndrel Việt Nam.

Công an 2 dak kŏ tâm rgop nchih mbơh nau nkoch nau tâm du đê̆ trong ndrel nkuăl tơm bah ăp nŭih tih geh ndăn gay ma ntŭng nchuăn leo ma tuý tă bah nkuăl “Nglah pe dak” lăp tâm Lào jêh ri hăn rlet tât n’har bah Việt Nam. Nau kan tâm rgop, mrôt kan công an bah Việt Nam hŏ saơ, nhŭp kân rlau 5.300 nau tih, đah rlau 7.300 nŭih tih mpeh ma tuý...

N’gâng kan công an 2 dak đă ăp mrôt kan, công an ăp nkuăl tâm êp kâng n’har bar dak lŏ ntrŭt dăng nau kan njrăng, rdâng ma tuý tâm nkô̆ nau Nkah đah N’gâng kan công an 2 dak mpeh nau kan njrăng, rdâng ma tuý, tâm rgop hăn mêt uănh, njrăng, lơh ăp ntŭk geh nau khuch mpeh nau đăp mpăn nau rêh jêng tâm nkuăl n’har đah bar dak./.