Ôi nar 3/11, ta thủ đô Vientiane, Lào, kruanh n’gâng kan nchră nău đah dak bah dih, n’gâng kan công thương Việt Nam tâm rgop đah n’gâng kan mât rnă njrăng ngih dak, n’gâng kan công thương Lào ƀư rơh tăch ndơ pla n’hơ Việt Nam-Lào đah bôk nău “vơt rhơn năm tâm rnglăp tâm boh kan Việt Nam- Lào năm 2022”.

Tât râng rơh tăch ndơ geh klâp ma 120 ndrơng ndơ bâh bơi tât 90 ntŭk kan, doanh nghiệp tât bâh Việt Nam, tâm nĕ geh klâp ma 30 doanh nghiệp tahen.

Ndrel đah nĕ, lah bơi tât 30 ndrơng ndơ bâh ăp doanh nghiệp Lào n’hanh du đê̆ doanh nghiệp dak bah dih. rơh tăch ndơ pla n’hơ lah ngoăy tâm âk nău kan chính trị- rêh jêng geh nău kan têh vơt rhơn năm tâm rnglăp, tâm boh tâm kơl Việt Nam-Lào năm 2022, lah rơh gay ma ăp doanh nghiệp Việt Nam lah nsum n’hanh ăp doanh nghiệp tahen Việt Nam lah êng geh tay nău nkhêp tâm nđur, tâm mbơh nău kan, joi gĭt nău dơi geh, pơk hvi nău tâm boh nchră nău đah dak bah dih đah ăp doanh nghiệp Lào, doanh nghiệp tahen Lào n’hanh doanh nghiệp ăp dak ASEAN.

Nuĭh rblang: Thị Đoắt