Ntơm bah nar aơ (3/1) tât nar 15/3, lĕ rngôch trong nchrăp Luật neh ntu (rgâl nkra) dơi sŏk lam hvi tâm ƀon  lan, gay mpơl nău dơi ƀư tơm, bôk rngot, nău gĭt blău bah ƀon lan.  Ta rơh hop bah Ủy ban Thường vụ Quốc hội tâl 18 mhe aơ, Kruanh Quốc hội Vương Đình Huệ njrăng đă, nău sŏk nău rgop ƀon lan tâm trong nchrăp Luật Neh ntu (rgâl nkra) ân geh nău tam ngăn ngăn, der bah ngơi dơm ma mbung.

Nău sŏk nău rgop mbra sŏk ƀư ma siƀŭt, ƀư rgum nchră, tâm   hăch; ân ƀư jêng ngăn ngăn n'hanh geh nău tam, tŏng đah nău ŭch geh bah nuĭh ƀon lan. Ma ăp ndơ nkoch trêng nău lư, âk cán bộ, đảng viên n'hanh ƀon lan an lah, nkô̆ sŏk nău rgop ân dơi rgum ăp tŏng, di ngăn n'hanh ân dơi mĭn ŭanh na nê̆, mbơh rblang răp jăp gay ƀư lôch jêh ăp tŏng trong nchrăp Luật neh ntu (rgâl nkra). Nghị quyết bah Ủy ban Thường vụ Quốc hội dăn đă, n'hao dăng nkoch trêng, rgŏ jă ƀon lan râng rgop nău.

VOV/Nuĭh rblang: Điểu Thân