Nar 4/1, Nkual ƀon têh Hồ Chí Minh ƀư Tâm nchră an ƀư mpeh trong nchrăp hun hao n'gâng kan tuch tăm n'hanh hun hao ƀon lan năm 2023. Tĭng nău mbơh, lĕ rngôch ndơ geh ƀư ta nkual ƀon têh (GRDP) bah ndơ geh ƀư tuch tăm nkual  ƀon têh Hồ Chí Minh năm 2022 geh bơi 8.400 rmen prăk, hao 3,74% rđĭl đah ndrel khay dja năm e nơh. Rnoh khlay ƀư njêng bah rmôt ndơ geh ƀư tơm bơi 13.000 rmen prăk. Nău rgum ntrôl dăng tĭng trong rƀŏng tuch tăm nkual ƀon têh dơi rnê âk yơn mô hŏ dơi tât kơt tĭng nău mpŏng đŏng.

Wa Võ Văn Hoan, Groi kruanh Ủy ban nhân dân nkual ƀon têh Hồ Chí Minh, n'gâng kan tuch tăm  nkual ƀon têh ân ŭanh sŏng tâm ăp ntŭk rbăn lhơ, ngăn ngăn bôk nău kan gay đề án ntil si tăm, ndơ mât. Bah meng rgum dŏng công nghệ mhe njêng luh ndơ tuch tăm nkual ƀon têh, ri rgâl mbrô gay nkoch n'hơ n'hao rnoh khlay ndơ geh ƀư...Gay ƀư dơi nău dja, n'gâng kan ndơ geh ƀư tuch tăm nkual  ƀon têh Hồ Chí Minh ndơ̆ luh rnoh tât kan ân nkre đah trong nkra ntop kơl doanh nghiệp, rnăk ƀon lan tuch tăm.

VOV/Nuĭh rblang: Điểu Thân