Tâm nchră khoa học gưl neh dak đah nkô̆: “Nău khlay bah báo chí, xuất bản tâm pah kan mât njrăng jâng nsing nău mĭn bah Đảng" dơi ƀư ôi 28/10 ta Hà Nội. Tâm nchră tă bah Nhà xuất bản Chính trị quốc gia Sự thật kan nsum đah Học viện Báo chí n'hanh Tuyên truyền ƀư. Ta rơh tâm nchră, ăp đại biểu an gĭt, tât aƀaơ, lam dak geh 815 nhih pah kan báo chí, 57 nhà xuất bản đah bar pe jât rbăn phóng viên, biên tập viên.

Ăp nhih pah kan báo chí, xuất bản mô rlu têh dăng, tât dăch đah trong rƀŏng hun hao nsum bah lam ntŭr neh, njêng luh âk ấn phẩm nar lơn ma săk tam, tŏng đah nău ŭch geh tâm nău rêh nuih n'hâm, rgop khlay tâm ăp nău dơi têh kuâng, geh nkô̆ lịch sử bah neh dak. Bol ma kơt nê̆, rđĭl đah nău ŭch geh hun hao mhe bah neh dak, nău khlay bah báo chí, xuất bản tâm mât njrăng jâng nsing nău mĭn, rlăch ndăng ăp nău mĭn tih leh, tâm nuih rkeh hôm geh ăp rbăn lhơ ngăn đŏng; ân geh ăp nău rgâl, ntrŏng trong rƀŏng, trong nkra mhe, đăt ndal. Bah nê gay ntik n'hao nău khlay suan dăng bah he tâm trong rƀŏng nău lư, ƀư tơm nău rêh nuih n'hâm, rŭn in mpeh nău mĭn, mât njrăng nâp jâng nsing nău mĭn bah Đảng, rlăch ndăng nkoch lah ăp nău mĭn tih leh, nuih rkeh.

VOV/Nuĭh rblang: Điểu Thân