Nar ntri (2/12), Ban Chấp hành Đảng bộ n’gor Kon Tum khoá XVI hŏ ƀư tâm nchră tâl 18. Năm 2024, lĕ rngôch ndơ geh ƀư bah n’gor Kon Tum (GRDP) nchroh nklăp 20.490 rmen prăk, nsĭt geh ngân sách ngih dak nklăp 4.425 rmen prăk, mô dơi tât trong nchrăp da dê.

Bah meng nê, du đêt rnoh tât kan na nê̆ tâm hun hao wăng sa – rêh jêng kon nuĭh mô dơi tât trong nchrăp, lơn lah rnoh hŭch ach o dơn geh rlău 83% rđĭl đah nghị quyết. Ta tâm nchră tâl 18, Ban Chấp hành Đảng bộ n’gor Kon Tum khoá XVI hŏ n’glôch jêh pah kan hăn ôp uănh, groi nđôi n’hanh tĭng jăp Đảng năm 2024. Tĭng nê tâm năm gưl uỷ, uỷ ban kiểm tra ăp gưl bah n’gor hŏ tât hăn ôp uănh 951 mpôl kan đảng n’hanh bơi 1.300 đảng viên. Kêng dŭt hŏ mĭn uănh, rmal đah 2 mpôl kan đảng n’hanh 157 đảng viên.