Ôi 1/2 Thủ tướng Phạm Minh Chính n'hanh Kruanh Tổng Liên đoàn Lao động Việt Nam Nguyễn Đình Khang ƀư tơm rơh Tâm nchră ŭanh năl jêh geh nău dơi tâm rgop kan nsum đah Chính phủ n'hanh Tổng Liên đoàn Lao động Việt Nam năm 2022 n'hanh n'gluh nău kan rgum tơm tâm boh pah kan năm 2023 n'hanh let năp tay.

Ta tâm nchră, ăp đại biểu hŏ n'gluh âk nău rgop mpeh ăp nău dơi tâm pah kan nsum tâm bah ri aơ; ăp dơh soih, jêr jŏt, rbăn lhơ, nău tă ơm gĭt kan; ăp trong nkra ngăn ngăn gay n'hao nău dơi tay pah kan mât chăm nău rêh an  công nhân nuĭh kan, rdâk njêng gưl công nhân Việt Nam têh dăng, rgop khlay tâm nău dơi Nghị quyết Đại hội XIII bah Đảng. Thủ tướng lah rjăp, Đảng, Ngih dak way uănh khlay rdâk njêng gưl công nhân têh dăng mhe n'hanh mpôl kan Công đoàn nâp dăng, uănh nê lah ndơ an ƀư lor bôk năp đăp mpăn geh nău dơi rơh rgâl mhe, công nghiệp mhe, têh uĕh mhe neh dak n'hanh lăp rgum dak bah dih. Tĭng nê, ân rdâk njêng Công đoàn Việt Nam nâp dăng lam lĕ rngôch, geh nău dơi bên di n'hanh nkra uĕh ăp nkô̆ nău ndơ̆ luh tâm nô nău mhe.

VOV/Nuĭh rblang: Điểu Thân