Kêng măng 12/5, Rmôt pah kan mbrô 2 bah Thanh tra Chính phủ hŏ geh rơh pah kan đah UBND n’gor Gia Lai, ôp uănh tay nău nkra ăp rơh lah phong ntoch jong. Rmôt pah kan hŏ ƀư rgum, tâm pă ntil hồ sơ, siƀŭt khlay geh tât. Ăp nhih pah kan way rnâng kan dơi đă rblang, ƀư kloh tĭng nkô̆ kŏ kol tâm tĭng ntil nău kan. Nơm geh kơt nê̆, rnoh ngăch hăn ôp uănh dơi ntrôl ngăch n’hanh âk nău tih jru hŏ geh trong rƀŏng nkra kloh rvah.

Dŭt njrăng uănh khlay, đah nău kan nsum uĕh đah rmôt pah kan bah n’gor Gia Lai n’hanh Thanh tra Chính phủ, du nău tih hŏ dơi nkra dŭt bah ngăn. Lôch rnôk nkoch trêng, rgŏ jă, nuĭh lah phong hŏ tâm ban ŭch đah trong nkra, nkre ton mô lah phong tay…Ta rơh pah kan, Groi Tổng Thanh tra Chính phủ Lê Tiến Đạt dăn đă n’gor Gia Lai rđău đă tay lĕ n’hâm suan lơn đŏng ăp nhih pah kan geh tât gay ra uănh tay, rƀah gĭt nô nău, bah ir geh nău lah phong tay rlău gưl, bah ir ntoh luh tay ăp nău tih jêr mhe.