Thủ tướng Chính phủ Phạm Minh Chính lĕ njoăl nău mbơh dŭt khlăy tât rơh rƀŭn nchră gâl têh sinh học lam ntur neh năm 2022 geh ƀư bâh nar 25-26/10/2022 ta Seoul, Hàn Quốc đah bôk nău “Nău rêh let năp tay bâh Vacxin n’hanh dak si sinh học”.

Rơh rƀŭn nchră yor Chính phủ Hàn Quốc tâm rgop ƀư đah ntŭk kan dak si lam ntur neh WHO ƀư gay ma nkoch ăp nău mĭn, ăp trong kan n’hanh công nghệ mhe tâm n’gâng kan công nghiệp vắc xin n’hanh dak si sinh học.

Tâm nău ntoh ngơi bâh nơm, Thủ tướng Phạm Minh Chính lah na nê̆, nuh srê Covid-19 ntoh luh n’hanh ntưp rêng lĕ khuch âk, lĕ rngôch tât ăp ngih dak. Ta rơh kan njrăng rdâng nuh srê mhe nơh, mpôl he lơ ma saơ na nê̆ lơn nău khlăy ngăn bâh vácxin. Việt Nam lĕ ƀư ăp trong kan njrăng, rdâng nuh srê, tâm nĕ, Việt Nam lĕ mbơh ƀư dơi ntil vacxin n’hanh nău kan chuh n’gang mô sŏk prăk dŭt têh bâh ntơm tât aƀaơ. Thủ tướng lah na nê̆, Việt Nam lah dak dŭt jăp, geh nău kan têh đah ntŭk rêh jêng lam ntur neh, Việt Nam tâm ton tâm rgop ueh na nê̆, săk rnglăy tâm nău mĭn uănh, nkra ƀư, ndơ̆ rgâl công nghệ, ntop mât đăp mpăn rnoh pă an vac xin n’hanh ăp ntil ndơ dak si sinh học ta lam ntur neh.