Ôi 9/12, ta ntŭk kan Chính phủ, Thủ tướng Chính phủ Phạm Minh Chính ƀư tơm nar rƀŭn tal 10 bah Hội đồng tâm rlong rnê nkhôm Trung ương. Ntoh nau tâm nar rƀŭn, Thủ tướng Phạm Minh Chính đă ăp ntoh măt rgum nchră mpeh nau mbơh lôch nau kan bah rmôt tâm rlong rnê nkhôm Trung ương ănm 2024, ntrŭnh ƀư nau kan tâm năm 2025; Tâm nchră, rgop nau mpeh nau đă pă nau nkhôm ‘Anh hùng Lực lượng vũ trang nhân dân”, nau nkhôm “Anh hùng Lao động” ân ăp rmôt, ăp nŭih.

Nchră tât nau tâm rlong, nau hôm, kol; Năl kloh nau kan tâm năm 2025 ndrel nchrăp ăp nau kan, ntrong kan ân gay nkah gay n’hao nau nâp ndrel nau tam bah nau tâm rlong, rnê nkhôm. Ngăn lah, Thủ tướng đă ăp ntŭk kan nkoch mbơh nau ân nkoch rjăp lơn, gay nau kan geh lăp tâm ƀon lan. Năm 2024, Thủ tướng Chính phủ hŏ rnê nkhôm ân bơi tât 95 rbăn rmôt, nŭih geh nau blau tâm ăp nau kan tâm rlong, ndâk ndrel mât neh dak./.