Thủ tướng Phạm Minh Chính rnê âk n’gâng kan Nội vụ n’hanh ăp n’gâng kan, ăp ntŭk kan tâm ban n’gâng kan, ntuk kan bâh chính phủ lĕ leo kan, nsrôih mbơh tơih leo kan mbơh tâm di đah ăp nău kan geh pă jao. Thủ tướng lah na nê, ƀư ueh nău kan yơn nău pah kan an geh săk rnglăy tam, n’huch bah ir ƀư ndranh, bah ir tâm nthoi nău kan yơn mô geh n’huch nău dơi, nău kan n’hanh an geh n’hao ntuk kan ba dâng, n’hao nău rgâl mhe rnoh mbrô ta nău mât uănh ngih dak gay ma bah ir geh tâm mâp sŏng dăng, n’huch bah ir geh nău dăn pă an, mô ƀư jêr, ƀư tih, ƀư mô ueh, bah ir geh nău sa nkhiăn sa ƀer. Thủ tướng Phạm Minh Chính đă, tâm rnôk mbơh tơih an geh pă dăp, ƀư ueh nơih nău kan an tâm di nău geh bâh ngih dak n’hanh nău geh bâh cán bộ công chức, viên chức, nuĭh pah kan gay ma geh nău kan, nău kơl an tâm di, bâh nău mât đăp mpăn nău dơi, nău geh tâm di mpeh nău kơl kan, Nkre lah, an geh ƀư lôch ueh ăp trong kan chính trị geh pă jao.