Lĕ rngôch ăp nău rgop ta rƀŭn nchră tâm ban ŭch da dê, rnoh hao jêng GDP 8,02% năm 2022 lah dŭt uĕh. GDP rĭng bôk nuĭh năm 2022 tâm ban 4.110 đôlar hao 393 đôlar nkôp đah năm 2021.Ntoh ngơi n’glôn jêh rƀŭn nchră, Thủ tướng Chính phủ Phạm Minh Chính mĭn lah, ăp săk rnglăy dơi geh bah năm 2022 âk lơn năm 2021 lah an saơ soan dăng tâm rnglăp rnoi nuĭh, nău ndrel soan, ndrel nuih n’hâm bah lĕ trong chính trị n’hanh nuĭh ƀon lan lam dak đah nău rđău bah Đảng.

Gay ƀư dơi nău rƀŏng, nău kan trong nchrăp hun hao wăng sa-rêh jêng năm 2023 tĭng Nghị quyết bah Quốc hội, ta rƀŭn nchră trực tuyến bah Chính phủ đah ăp n’gor n’glôch jêh trong kan năm 2022, mbơh ƀư trong nchrăp hun hao wăng sa-rêh jêng năm 2023; Chính phủ lĕ n’gluh an 6 nău mĭn êng, uănh khlay ntĭm rđău ƀĭt joet n’hanh 11 rmôt nău kan, trong mkra hun hao wăng sa-rêh jêng năm 2023.

Thủ tướng Phạm Minh Chính ntoh ngơi ta rƀŭn nchră.