Nău kan tâm rnglăp nchră nău lĕ dơi ntrôl dăng lĕ rngôch đah ăp dak têh n’hanh lĕ rngôch kan ndrel têh khlay, saơ bơi 70 nău ƀư tâm rnglăp nchră nău gưl prêh bah Kruanh Đảng, Ngih dak, tâm nĕ geh 14 rơh hăn khâl bah he tât 17 dak; râng 5 rƀŭn nchră dak bah dih âk trong; rhiăng rơh mâp ăp ding đah kruanh, ăp dak ta lam ntŭr neh; wơt 19 mpôl kruanh gưl prêh bah ăp dak tât khâl Việt Nam.

Thủ tướng Phạm Minh Chính râng rƀŭn nchră N’glôch jêh trong kan nău kan tâm rnglăp nchră nău bah dih

Ndơn măt Kruanh Đảng, Ngih dak, Thủ tướng Phạm Minh Chính djôt dơn, rnê n’hanh uănh lah prêh ăp nău nsrôih têh, dŭt n’hâm n’hanh âk săk rnglăy khlay nkoch bah lơ bâh nău kan tâm rnglăp nchră nău lah nsum n’hanh N’gâng kan tâm rnglăp nchră nău lah êng, rgop khlay tâm nău geh nsum bah lam dak tâm năm 2022; saơ nău săk rnglăy tâm nău mbơh ƀư tâm rnglăp nchră nău “Tâm rnglăp, ngăn ngên, nsing nơm, tâm ban, tâm ryơk, săk rnglăy, ndrel hun hao”.