Ủy ban Thường vụ Quốc hội lĕ geh nău mbơh na nê̆ mpeh bôk nău kan ôp n’hanh ơh nău bah rơh rƀŭn aơ. Tĭng nĕ, ăp rmôt nău dơi Quốc hội săch ôp lah ndâk njêng, nội vụ, mbơh nău n’hanh nkoch mbơh, uănh nđôi. Rmôt nău bôk năp mpeh tâm nău ndâk njêng, Kruanh n’gâng kan Xây dựng Nguyễn Thanh Nghị ơh geh tât nău ngăn, trong mkra n’hao uĕh dăp rgum n’hanh mât uănh hun hao nkual ƀon têh bah Việt Nam, ngăn lah ta ăp nkual ƀon têh. Rmôt nău tal 2 mpeh tâm nău kan mbơh nău n’hanh nkoch mbơh nău, Kruanh N’gâng kan Thông tin n’hanh Truyền thông Nguyễn Mạnh Hùng mbra ơh geh tât nău kơt dŏng công nghưệ thông tin an mât uănh neh dak, ndâk njêng Chính phủ mrô, n’gâng kan mrô.

Thủ tướng Chính phủ Phạm Minh Chính.

Rmôt nău tal 3 mpeh tâm nău kan nội vụ, Kruanh N’gâng kan Nội vụ Phạm Thị Thanh Trà mbra ơh mpeh nău dăp rgum n’gâng kan mât uănh, n’hŭch biên chế, ndâk njêng ntŭk gŭ kan hăn ndrel đah dăp tay rmôt cán bộ, công chức, viên chức n’hanh nău mbơh ƀư tĭng nău kơl prăk khay đah cán bộ, công chức, viên chức. Rmôt nău tal 4 mpeh tâm nău uănh nđôi, Tổng thanh tra Chính phủ Đoàn Hồng Phong ơh mpeh n’hao tam, săk rnglăy tâm nău ƀư Thanh tra, ơm njrăng n’gang nău tih pháp luật. Dŭt rơh ôp, Thủ tướng chính phủ Phạm Minh Chính mbra ƀư kloh ăp nău geh tât n’hanh ơh nău ôp bah nuĭh ntoh măt Quốc hội.