Ôi 20/10, jêh rnôk Kruanh Quốc hội Vương Đình Huệ mbơh ntơm ƀư rơh rƀŭn tal 4, Quốc hội khóa 15, Thủ tướng Chính phủ Phạm Minh Chính lĕ mbơh jêng ƀư tĭng trong nchrăp hun hao wăng sa-rêh jêng năm 2022; nchrăp trong ƀư hun hao wăng sa-rêh jêng năm 2023. Mpeh nău kan, trong mkra khlay ăp khay dŭt năm 2022 Thủ tướng đă ăp gưl, nău kan, ăp ntŭk ƀư tĭng tâm ban, săk rnglăy ăp nău kan, trong mkra n’gluh an ta ăp nău kan.

Uănh khlay njrăng, n’gang srê Covid-19, mô an srê; ndăn mkra nu nău mô tŏng dak si, ndoh ndơ dak si, măy mŏk. Mpeh trong nchrăp hun hao wăng sa rêh jêng năm 2023 thủ tướng lah rjăp kơl lor mât đăp mpăn wăng sa têh, uănh nđôi nău ntoh hao mhe, ntrôl hao jêng, đăp mpăn ăp nău tâm têh bah jâng wăng sa. Uănh nđôi săk rnglăy ntil nuh srê. Ntrôl dăng dăp tay, n’hao dơi kan ta ntŭk, nău mĭn hun hao wăng, nchrăp êng, dơi njrăng rdâng n’hanh tâm di bah jâng wăng sa; nâp nâl, hun hao ăp n’hâm soan hao jêng mhe.

VOV