Ôi 16/10, ta Cần Thơ, Thủ tướng Phạm Minh Chính ƀư tơm nar rƀŭn doh rklaih nau jêr, nkol ndrel ntrŭt dăng nau hun hao ntŭk ntu gung trong nkual Đồng bằng sông Cửu Long. Tĭng nau rgum ân ƀư, nkuăl Đồng bằng sông Cửu Long geh 6 trong hăn ngăch, jong 1.188km. Rƀŏng tât nkô̆ nau lôch năm 2025 lam nkuăl mra geh 548 km trong hăn ngăch geh leo lăp dŏng ndrel tât năm 2030 lah 763 km. Ntoh nau tâm nar rƀŭn, Thủ tướng Phạm Minh Chính mbơh kloh, Đồng bằng sông Cửu Long geh âk nau dơi ueh.

Yơn trong kan rnôk aơ hôm jêr, ngăn lah trong, têk nsum ma nau nchuăn rdeng ndơ mra jêr, n’hao nau dŏng Logistic, huch nau ntul rlong bah ndoh ndơ. Thủ tướng đă ăp ntoh măt rgop ngăn tâm nkô̆, nchŏng nau kol, geh ntŭk doh rklaih, moh nau ueh ri ƀư tĭng, rhuăt nau blau gay ma pơk hvi tay, đă ân rnê nkhôm ăp rmôt, ăp nŭih ƀư ueh, ăp nŭih, ăp rmôt ƀư sa khâm ri ân geh mhal rjăp./.