Nkhêp mbah rhơn wơt năm mhe, Tết way ơm bah rnoi nuĭh - Năm mhe Quý Mão 2023, ôi 18/1 (27 khay jât ma bar), ntơh măt kruanh rđău kan Đảng, Ngih dak, Thủ tướng Chính phủ Phạm Minh Chính hŏ tât mbah rhơn Tết rnăk wâl, mpoh nhang nkah gĭt drô Thủ tướng Phạm Văn Đồng n'hanh Đại tướng Võ Nguyên Giáp ta jay êng bah drô Thủ tướng, jay êng bah drô Đại tướng Võ Nguyên Giáp ta Thủ đô Hà Nội.

Ta jay êng bah drô Thủ tướng Phạm Văn Đồng ta phố Đặng Thái Mai, Hà Nội, Thủ tướng Chính phủ Phạm Minh Chính an kao si, mpoh nhang nkah gĭt drô Thủ tướng Phạm Văn Đồng - Nuĭh kruanh rđău kan ngăch ngăr, nsing nơm, nuĭh văn hóa têh bah neh dak, nuĭh kan tâm boh dak bah dih ngăch prăl bah Đảng, Ngih dak n'hanh cách mạng Việt Nam, nuĭh kơt nti dŭt blău bah Kruanh Hồ Chí Minh. Thủ tướng Chính phủ Phạm Minh Chính hŏ tât mpoh nhang nkah gĭt drô Đại tướng Võ Nguyên Giáp n'hanh mbah rhơn Tết rnăk Đại tướng ta mbrô 30, trong Hoàng Diệu, Hà Nội.

VOV/Nuĭh rblang: Điểu Thân