Ôi 11/11, Thủ tướng Chính phủ Phạm Minh Chính n'hanh Mpôl đại biểu gưl têh Việt Nam hŏ tât Thủ đô Viêng Chăn ntơm hăn khâl ngăn dak Cộng hòa Dân chủ Nhân dân Lào n'hanh ndrel ƀư tơm Rơh hop tâl 45 Ủy ban bar Chính phủ Việt Nam – Lào, tĭng nău jă bah Thủ tướng Chính phủ dak Cộng hòa Dân chủ Nhân dân Lào Sonexay Siphandone.

Tĭng bôk nău kan, tâm rnôk hăn khâl Lào, Thủ tướng Phạm Minh Chính geh rơh tâm nchră đah Thủ tướng Lào Sonexay Siphandone; hăn ôp khâl Tổng Bí thư, Kruanh dak Lào Thongloun Sisoulith; râng Lễ n'glôch jêh năm Tâm rnglăp Việt Nam - Lào, Lào - Việt Nam 2022; ôp srĭng nău Kruanh Quốc hội Lào Saysomphone Phomvihane; khâl ăp kruanh rđău kan ơm Đảng, Ngih dak Lào; ndrel ƀư tơm rơh hop tâl 45 Uỷ ban bar Chính phủ Việt Nam - Lào; râng tâm nchră Tâm boh ntuh kơl Việt Nam – Lào; mâp mpôl nuĭh Việt Nam ta Lào. Hăn khâl ngăn Lào bah Thủ tướng Phạm Minh Chính n'hanh mpôl ntơh măt gưl têh Việt Nam rgop rdâk tay, n'hao dăng tay tâm boh tâm rnglăp têh khlay, tâm rnglăp mha êng, tâm boh lam lĕ rngôch, krêp dêh, nsing nơm đah bar Đảng, bar dak Việt Nam - Lào.

VOV/Nuĭh rblang: Điểu Thân