Kêng măng 15/12, Thủ tướng Chính phủ Phạm Minh Chính lĕ hăn uănh nđôi ngăn n’hanh pah kan mpeh nu nău nchrăp ƀư trong hăn ngăch Cần Thơ-Cà Mau lvang Hậu Giang-Cà Mau. Ta rơh rƀŭn, N’gâng kan ntung trong lĕ mbơh mpeh nu nău mbơh ƀư nău nchrăp ƀư trong hăn ngăch Cần Thơ-Cà Mau lvang Hậu Giang-Cà Mau, ăp ntŭk kan mbơh mpeh ngăch ƀư; dơh, jêr jŏt, wăl kol, ndâk ƀư trong nchrăp đăp mpăn jêh tâm năm 2025, nsrôih ơm lơn trong nchrăp. Ntoh ngơi ta rơh rƀŭn đah kruanh ăp n’gâng kan nău kan, ăp ntŭk, Thủ tướng đă rgum tâm nchră ăp nău khlay, tâm nĕ:

uănh mĭn tay gưl ủy n’gâng kan ƀon lan lĕ lăp têh dăng đŏng lah mô; uănh mĭn tay trong rdâk ƀư, pah kan lĕ di ngăch nău đă đŏng lah mô; mpeh lŭ choih chuk rli; pă lŭ choih jêt hôm e wăk kol ta ntŭk, n’hanh tâm nchră uănh jŏ jong trong trong bah Cà Mau tât đất mũi; Ndrel đah nĕ tâm nchră mpeh trong kan tâm rgop đah ăp n’gor tâm pă lŭ loih, choih xi măng... N’glôn jêh, Thủ tướng Phạm Minh Chính nkah tay dâng rđŭng dak me Cửu Long geh 2 ntŭk kol mpeh ntung trong n’hanh nuĭh kan. Đảng, Ngih dak uănh tât nău mkra. Tĭng dăp rgum, tât năm 2030, Dâng rđŭng dak me Cửu Long geh 1.200 km trong hăn ngăch, an nsrôih ƀư tĭng nău rƀŏng aơ.