Kêng măng (27/11), ta  nkual ƀon têh Hải Phòng, Thủ tướng Chính phủ Phạm Minh Chính râng Nar rgum ntơm njêng nău kan rgâl mhe 2024 đah nkô̆ nsum ti hun hao âk ntơm njêng nău kan rgâl mhe Việt Nam.

Lah ta nar ƀư, ntơh măt Chính phủ, Thủ tướng Phạm Minh Chính nchŏng kloh, ntơm njêng nău kan rgâl mhe ân geh nău nsum ti, du nuih n’hâm bah lam trong kan chính trị, bah lĕ ma mpôl, nuĭh ƀon lan, doanh nghiệp; ân sŏk nuĭh ƀon lan, doanh nghiệp lah rgum tơm, lah nuĭh tơm ƀư, lah rnoh ŭch tât geh, lah suan ntrôl n’hanh lah tơm ndơ khlay, lơn lah an rong lor, kơl rơh mom ndăm. Ntơm njêng nău kan rgâl mhe ân nănh mĭn, nănh ƀư, nănh dơn nău tât rmoh rman, nănh dâk hăn lor, nănh dâk kan, rlău dơi săk nơm, n’glăp săk yor ma nău geh neh dak, rnoi nuĭh, yor nău rêh chrat ang bah neh dak let năp tay tâm nê geh an ma he nơm. Thủ tướng Phạm Minh Chính lah rjăp, ntơm  njêng nău kan, rgâl blău mhe lah du suan ntrôl n’hanh tơm ndơ khlay tâm nău hun hao jŏ jong. Ntơm njêng nău kan ân geh nău đăp dêh đah nău  kan, nău nsrôih, mô dĭl r’al n’hanh nău han săk rlău dơi jêr jŏt, ntul rlong gay rƀŏng tât geh nău dơi.