Ôi lơ 18/11 (tĭng mông dak nê) ta Rio de Janeiro, Brazil, rơh rƀŭn gưl prêh G20 năm 2024 hŏ ntơm ƀư đah nkô̆ “Ndâk njêng du play neh geh tâm ban ndrel du play neh nâp nâl” đah nau ƀư tơm bah Tổng thống Brazil Lula da Silva, Kruanh G20 năm 2024. Ntoh nau tâm nar rƀŭn nchră, Thủ tướng Phạm Minh Chính kuăl jă ăp dak ân geh nau nsôih chính trị prêh lơn, nau tơm têh lơn, ƀư nau kan nsôih lơn ân ăp nau kan, nau nchrăp n’hêl, ngăn.

Săk tam lơn, yor jut jăng ach o mô knŭng geh nau khlay, ma hôm lah ngoai tâm ăp nau kan têh, nau tât rƀŏng ân geh đăp mpăn, rnă njrăng, nâp nâl tâm lam ntur neh. Thủ tướng mbơh nau rgum bah Kruanh Hồ Chí Minh, “Tâm rnglăp lah n’hâm dăng têh”, ndrel tâm nuih n’hâm nê lah rjăp Việt Nam ton ntô̆ n’hao nau dơi âk ding, tâm rnglăp lam ntur neh rjăp, rgop nau ueh, săk tam tâm nau nsôih nsum ndâk du ntur neh mô hôm ji ngot jŏ jong, du ntur neh nâp nâl./.