Ôi 8/12, Thủ tướng Chính phủ Phạm Minh Chính râng rƀŭn nchră N’glôch jêh trong kan ntuh kơl ndâk ƀư Nău nchrăp ƀư trong rse 500 kV mạch 3 bah Quảng Trạch (Quảng Bình) tât Phố Nối (Hưng Yên). Nău nchrăp ƀư trong rse 500kV mạch 3 dơi Tập đoàn Điện lực Việt Nam jao tổng Công ty Truyền tải Ngih dak ƀư tơm ntuh kơl, geh dĭng lĕ jong 519 km, 1.177 n’gâng, 513 ndrăng rse kăt, hăn rlău 211 xă/phường bah 43 nkuăl ta 9 n’gor đah dĭng lĕ rnoh ntuh kơl rlău 22.300 rmen prăk.

Ntoh ngơi ta rƀŭn nchră, Thủ tướng Phạm Minh Chính ntĭm kloh, rlău ma nău nchrăp ƀư rgop n’hao nsing nơm, jâng nsan bah nău kan điện lực tâm dak n’hanh lam ntŭr neh; mĭn lah nău nsing nơm, janh dăng bah nău kan điện lực. Thủ tướng lah rjăp Đảng lĕ ntĭm rđău, Chính phủ lĕ tâm ban ŭch, Quốc hội tâm ban ŭch, Nuĭh ƀon lan kơl, knŭng tâm nchră ƀư, mô tâm nchră rŭch. Mpeh nău kan bah năm 2024, Thủ tướng uănh lah prêh Nău kan điện lôch jêh uĕh nău kan, dŭt ŭch nău kan điện năm 2025 đah nău geh an âk lơn năm 2024 n’hanh mô an mô tŏng điện.