Ôi 28/12 Thủ tướng Chính phủ Phạm Minh Chính râng n'hanh lah rđău đă ta rnôk tâm  nchră an ƀư nău kan ngân hàng năm 2023.

Năm 2022, Ngân hàng Ngih dak hŏ geh âk nău dơi khlay, tâm nê ngân hàng ngih dak uănh khlay ƀư lôch jêh trong kan mpeh prăk kaih n'hanh ngân hàng đăp mpăn rnoh ngăch n'hanh săk geh; mât bôk kan prăk kaih lor nchrăp, ngăch rplăch, năn ngăch n'hanh kan nsum tâm lăp nsum đah trong kan năm sŏk dŏng prăk kaih, ăp trong kơl têh êng ƀa ƀă, rgop mât kân bah hao khlay ndơ n'hanh mât đăp mpăn wăng sa têh, ntrŭt ntrôl n'hao nău dơi hun hao.

Ngân hàng hăn dâk lor bôk năp tâm trong rgâl mbrô rgop khlay tâm hun hao sŏk dŏng mô kâp geh prăk măt hun hao dăng tay, tŏng đah nău ŭch geh nar lơn ma âk bah jâng wăng sa. Ntơh măt Chính phủ, Thủ tướng nchih nkah n'hanh rnê nău nsrôih n'hanh nău dơi hŏ geh bah n'gâng kan Ngân hàng tâm năm 2022. Thủ tướng nchŏng kloh năm 2023 lah năm geh nkô̆ khlay mha êng, đă n'gâng kan ngân hàng ân mât ŭeh tay ăp nău dơi hŏ geh, nuih n'hâm nchrăp lor, rgâl mhe gay nkra bah ăp rbăn lhơ, mpăng đêt; nsrôih tĭng ƀư jăp lơn, geh nău dơi tam lơn ăp nău dơi kan, nău dơn kan dơi jao; ntrŭt ntrôl dăng rgâl mbrô đah n'hao săk geh rhŏ dŏng, đăp mpăn, rnă njrăng.

VOV/Nuĭh rblang: Điểu Thân