Ôi 2/12, ta n’gor Bà Rịa-Vũng Tàu, Thủ tướng Chính phủ Phạm Minh Chính râng tâm nchră Logistics 2024, đah nkô̆ “Ntŭk tăch rgâl dah rŏng-trong kan rgâl mhe ntrŭt dăng logistic. Ntoh nau tâm nar rƀŭn, Kruanh n’gâng kan Công thương Nguyễn Hồng Diên lah rjăp, Logistics lah nau kan geh ntoh mhô kơt lah “trong mham” bah jâng văng sa, geh nau khlay tâm nau nthoi, kơl an ntŭk kan, ntŭk ê nkra huch prăk dong, n’huch rnoh ndơ, n’hao nau dơi ntul rlong, ntrŭt dăng hun hao văng sa, rêh jêng.

Tâm rnôk tâm nchră, ăp nŭih ntoh ăp nau mbơh geh tât nau kan kơt lah: Nau dơi geh, nau dơi ndâk nkra ndrel hun hao ntŭk kan tăch rgâl dah rŏng ndrel ma ndrâm dak lêng ta Bà Rịa-Vũng Tàu ntrong hăn tât dak lêng têh: Ntrong kan dak lêng Việt Nam nthoi ma nkuăl ƀư kan tăch rgâl dah rŏng; dŏng nau kan mhe ndrel trong tơm prăk leo dŏng ƀư kan tăch rgâl dah rŏng ndrel ntrŭt dăng nau kan hun hao tăch rgâl; Ntrong ƀư nau kan tăch rgâl tĭng trong điện tử rloh rlau lam ntur neh ndrel ăp nhoat hăn ân Việt Nam./.