Ôi 4/1, Thủ tướng Chính phủ Phạm Minh Chính râng n'hanh rđău đă Tâm nchră n'glôch jêh pah kan năm 2022, an ƀư nău kan năm 2023 bah n'gâng kan Kế hoạch, Đầu tư n'hanh Thống kê. Tâm nchră dơi pơk sŏng dăng tât 63 n'gor nkual ƀon têh lam dak.

Lah ta rnôk tâm nchră, Thủ tướng Phạm Minh Chính đă, let năp tay, Bộ Kế hoạch n'hanh Đầu tư ân ƀư jăp nău kan bah he, n'hao dŭt uĕh nău khlay kan lah nhih pah kan nsŏng kơl bah Đảng, Ngih dak, Chính phủ, nsrôih lơn đŏng tâm pah kan mât trong nchrăp kan n'hanh tâm pă wăng sa têh, tĭng groi nđôi grêt dêh nô nău tâm nkual n'hanh lam ntŭr neh; năl kloh trong dơh soih, ntul rlong; n'hao dăng pah kan nchroh, nkah njrăng, lor nchrăp rdâk njêng trong tor gĭt lor gay năn ngăch nsŏng kơl trong têh jong đah Chính phủ, Thủ tướng Chính phủ ăp trong rđău đă, mât bôk n'hanh an ƀư ăp Nghị quyết bah Đảng, Quốc hội n'hanh Chính phủ. Bah meng nê Thủ tướng đă, Bộ Kế hoạch n'hanh Đầu tư ntrôl dăng rgâl mbrô neh dak ta lĕ rngôch ăp trong kan dôl mât; ntrŭt ntrôl rgâl dơh glêh siƀŭt mât kan, n'hao âk nău kan mbơh kloh rvoah.

VOV/Nuĭh rblang: Điểu Thân