Tâm bôk nau kan rơh rƀŭn G20, ôi 18/11 tĭng mông Việt Nam, ta nkuăl ƀon têh Rio de Janeiro, Thủ tướng Chính Phạm Minh Chính râng tâm nchră rmôt kan tăch rgâl bah Việt Nam-Brazil. Ntoh nau tâm nar rƀŭn, Thủ tướng Phạm Minh Chính mbơh mhe geh tâm nchră geh nau dơi đah Tổng thống Brazil Luiz Inacio Lula da Silva, bar ding tâm ban nau n’hao tâm boh kan nsum bar dak hao jêng tâm boh kan. Thủ tướng mbơh Việt Nam rƀŏng rgum ntuh kơl geh nau săch ăp nau kan công nghệ prêh, geh nau văng sa prêh, geh nau rêng, tâm nthoi đah ntŭk kan tâm dakl kơl an ăp nau kan bah ăp ntŭk, ăp kan khoa học công nghệ, rgâl blau mhe.

Thủ tướng ân lah, 2 ding ân ntrŭt dăng ơm ndâk tâm nchră nau ƀư kan tăch rgâl dah rŏng đah Việt Nam ndrel rmôt ƀư nau kan tăch rgâl nsum Nam Mỹ, nau ton bonh đă ndrel mât nau ntuh kơl, tâm boh mpeh nau luh lăp ndrel Brazil uănh nau kơp dơn nau kan văng sa ntŭk kan bah Việt Nam. Thủ tướng đă ăp ntŭk kan kơl an gay pơk trong ntuh kơl kloh aih, nơih, ƀư ueh nau dơi geh jêng./.