Nkhêp geh Tết way ơm bah rnoi nuĭh he- Năm mhe Quý Mão 2023, ôi 27/1 (jêng lah mồng 6 khay ngoăy) Thủ tướng Chính phủ Phạm Minh Chính hŏ mpoh nhang nkah gĭt Kruanh Hồ Chí Minh n'hanh râng rgŏ jă Tết tăm si mbro mbrăng nkah gĭt wa Hồ ta Nkual têl ơm  yău K9 - Đá Chông, Ba Vì, Hà Nội.

Ta Nkual têl ơm yău K9 – Đá Chông,  Thủ tướng Chính phủ n'hanh ăp nuĭh ntơh măt chŭn mbah an kao si, mpoh nhang nkah gĭt, mpơl nuih n'hâm nkah gĭt đah n'hâm suan têh kuâng bah Kruanh Hồ Chí Minh, Kruanh rđău kan têh kuâng bah Đảng, Ngih dak n'hanh ƀon lan Việt Nam; Nuĭh hŏ n'groh lĕ nău gĭt blău du bông nău rêh an n'gâng kan rklaih luh rnoi nuĭh, rlăch ndăng an đăp mpăn n'hanh rhơn răm bah ƀon lan Việt Nam n'hanh lam ntŭr neh. Thủ tướng n'hanh ăp nuĭh ntơh măt nsrôih kơt nti êng n'hanh ƀư tĭng nuih n'hâm uĕh lŏng; nău mĭn, trong gŭ rêh bah Wa, rgop rdâk njêng neh dak nar lơn ma têh ndrŏng, nuĭh ƀon lan nar lơn ma hơm răm. Rơh rgŏ jă Tết tăm si lah nău kan gưl neh dak ntơm bôk an lễ rgŏ jă du rơh Tết tăm si tâm lam dak gay an ƀư bôk nău kan "Yor du Việt Nam nđĭr uĕh" tâm năm 2023 đah nău ŭch tăm mhe 22,5 rkeh tơm si.

VOV/Nuĭh rblang: Điểu Thân