Kêng măng 16/10, Thủ tướng Chính phủ Phạm Minh Chính mâp cử tri bah năp rơh rƀŭn tal 8, Quốc hội gưl XV, ta nkuăl ƀon têh Cần Thơ. Ntoh nau tâm nar rƀŭn, Thủ tướng Phạm Minh Chính hŏ mbơh tât cử tri Cần Thơ ăp nau kan văng sa rêh jêng bah neh dak tâm 9 khay rlau aơ, ăp nau kan tâm nchră đah dak ba dih bah neh dak. Thủ tướng hŏ ơh ăp nau ôp ma cử tri đă ngăn lah nau kan du rkeh ha ba tăm nâp kah, mô geh hôl khih, n’hao nkra tach ndeh mpăr Cần Thơ, Cà Mau, Phú Quốc, ƀư ndrâm dak Cái Cui, ntĭm nti nŭih kan bah nkuăl Đồng bằng sông Cửu Long.

Đah nau dơi lah nŭih ntoh măt Quốc hội bah nkuăl ƀon têh, Thủ tướng mro djăt ăp nau rgop, nau ŭch bah đồng chí, ƀon lan, cử tri, nau rgop bah rđau kan Đảng bộ Cần Thơ; mro rvê ƀư lôch n’hâm nơm gay rgop nau n’hao hun hao nâp nâl bah nkuăl ƀon têh Cần Thơ lah êng dnrel lam dak lah nsum./.