Măng 16/12, Thủ tướng Phạm Minh Chính vơt wa Muraoka Tsugumasa, Kruanh n’gor Yamaguchi (Nhật Bản) dôl khâl, pah kan ta Việt Nam. Tâm nar vơt, Thủ tướng rhơn râng nau tâm boh kan nsum ăp ntil Việt Nam-Nhật Bản hun hao rjăp, săk tam, ngăn tâm ăp nau kan, đah nau rnơm chính trị prêh. Nhật Bản lah dak văng sa khlay bôk năp bah Việt Nam, lah dak pă tơm prăk ODA ndrel ăp dak kan nsum tâm boh nau kan dâk bôk năp, nŭih ntuh kơl tal 3, dak kan nsum tăch rgâl ndrel pâl n’aih bah Việt Nam.

Rơh tât, gay rgop nau leo tâm boh kan nsum ăp ntil Việt Nam-Nhật Bản lơn ma lăp tâm nau jru, ngăn, ăp ntil, Thủ tướng Phạm Minh Chính đă n’gor Yamaguchi ntrŭt dăng tâm boh ma Bình Dương ndrel ăp nkuăl êng bah Việt Nam mpeh văng sa, tăch rgâl, ntuh kơl, bonh đă ăp ntŭk kan tăch rgâl bah n’gor pơk hvi ntuh kơl; n’hao nau rvăt lăp ndơ, ngăn lah ăp ntil ndơ ntoh ngăn bah Việt Nam./.