Măng 29/1, ta nkuăl ƀon têh Hồ Chí Minh, Thủ tướng Phạm Minh Chính râng mbah năm mhe ndrel rgŏ jă nau ntơm hăn pah kan bôk năm bah Cảng Tân Cảng-Cát Lái tâm Tổng công ty Tân Cảng Sài Gòn ndrel râng uănh ăp bôk ndeh rdeng ndơ geh tăch luh dak ba dih bôk năm Quý Mão 2023. Thủ tướng Phạm Minh Chính mbơh, năm 2023, nau kan lam ntur neh kŏ kơt lah tâm dak hôm âk nau tât jêr, tâm nê nau jêr nau ntul rlong hôm âk lơn.

Yơn lah, nơm ân geh rnơm mra ƀư jêh ăp nau dơi hun hao văng sa năm 2023, mât nâp đăp mpăn văng sa, nkân nau hao khlay ndơ, ntrŭt dăng nau hun hao ndrel mât ân tâm ban bah jâng văng sa. Tâm nar rƀŭn, Thủ tướng Chính phủ ndrel ăp ntoh măt ƀư ăp nau rgŏ jă ntrŭnh leo ndoh ndơ bôk năm mhe Quý Mão 2023 bah Cảng Tân Cảng-Cát Lái, Tổng Công ty Tân Cảng Sài Sòn, leo ăp nau mpŏng, nau rnơm tâm du năm tăch luh ndoh ndơ khuh n’gor, geh nau dơi, đah rnoh prăk hao âk./.