Năm 2022, n’gâng kan nội vụ lĕ geh dơn âk nău geh khlăy, ngăn lah tâm nău ntĭm leo, leo kan bâh n’gâng kan nội vụ an geh rgâl mhe, mât đăp mpăn kloh jăp, dơn ngoăy, săk rnglăy, ƀư tĭng ueh trong bâh ntŭk kan way kan rgâl mhe hành chính bâh chính phủ, ntop kơl nsĭt tay du đê̆ nău geh kan ueh, lĕ leo ƀư geh 9 rơh rƀŭn nchră bôk nău kan gay ma rdâk njêng pháp luật, an tâm rgop nău, mbơh tơih 39 nău dăn đă, nău nchrăp Luật, rgum rdâk njêng bôk nău kan pă dăp ntŭk kan hành chính gâl nkuăl, gâl xã lvang năm 2022-2025, mpŏng kan tât năm 2030.

Nău pah kan nchră nău đah dak bah dih geh uănh khlăy n’hanh dơi geh ntoh lư. Ntŭk kan leo ƀư dơi rƀơh rƀŭn nchră ăp nuĭh dâk leo bôk năp n’gâng kan công vụ ASEAN n’hanh ASEAN+3. Ntoh ngơi ta rơh rƀŭn nchră, Thủ tướng đă, tâm let năp tay rgum ntrôl ngăch nău kan, n’hao nău ueh blău pah kan rdâk njêng n’hanh ƀư lôch nău kan, nău kơl kan ta trong kan Nội vụ, rgâl mhe n’hanh ƀư lôch nău kan mât uănh cán bộ, công chức, viên chức tĭng trong an tâm ban, dơn ngoăy; ndrel đah nĕ Thủ tướng đă, an geh ƀư lôch nău kan hành chính ngih dak kloh rjăp, pah kan săk rnglăy, mbơh tơih săk rnglăy bôk nău kan lĕ rngôch rgâl mhe hành chính tât năm 2030.