Ôi 18/12, Thủ tướng Chính phủ Phạm Minh Chính hŏ râng n’hanh rđău đă Tâm nchră n’glôch jêh pah kan năm 2024 n’hanh an ƀư nău dơn kan rgum tơm n’gâng kan Văn hóa, Thể thao n’hanh Pâl nđaih năm 2025. Năm 2024, ntơm nău rgâl dăng mpeh công nghiệp văn hóa bah trong kơl tât ngăn ngăn. Công nghiệp văn hóa dôl jêng trong rƀŏng n’hanh dơi ntrŏng lah nău khlay, rgop tâm nău hun hao bah neh dak.

Thể thao Việt Nam hŏ nsĭt geh rlău 1.200 huy chương dak bah dih. N’gâng kan pâl nđaih wơt 17,5 rkeh tơ̆ năch dak bah dih, đah lĕ rngôch nsĭt 840.000 rmen prăk. Lah rđău đă ta rnôk tâm nchră, Thủ tướng Chính phủ Phạm Minh Chính lah rjăp ân ring lam dak bah dih jâng văn hóa săk tơm rnoi nuĭh bah dak he luh tât băl mpôl dak bah dih ma ăp nău kan văn hóa, thể thao n’hanh pâl nđaih. Ring lam dak bah dih n’hanh ring lam Việt Nam lah bar nkô̆ nău dŭt khlay, nău kan bah n’gâng kan Văn hóa, Thể thao, Pâl nđaih ân ƀư n’hanh lah mpôl hăn chŏl lor, nuĭh tơm leo ta trong kan dja.