Kêng măng 31/10, Thủ tướng Phạm Minh Chính vơt Wa Kasper Rorsted, Tổng Giám đốc rmôt kan Adidas dôl geh rơh khâl ndrel pah kan ta Việt Nam. Thủ tướng rnê prêh Adidas lŏ săch Việt Nam lah neh dak ƀư nau kan ndrel khlay bôk năp tâm ntrong pă tăch ê nkra bah rmôt kan. Chính phủ Việt Nam mra lŏ rgâl ntŭk ntu ntuh kơl, tăch rgâl, rgâl mhe ntrong kan hành chính, mro kơl an.

 Pơk trong nơih gay ăp tơm ntuh kơl lah nsum ndrel Adidas lah êng mât, pơk hvi, pơk hvi nau kan ê nkra tăch rgâl ta Việt Nam, du ntŭk kan khlay, jŏ jong, nâp nâp tĭng nau kan bah rmôt kan, nkre kơl an, pơk trong ân nar lơn ma âk ntŭk kan tăch rgâl Việt Nam geh râng tâm ăp nau kan geh rnoh văng sa prêh tâm ntrong pă tăch bah lam ntur neh bah Adidas. Wa Kasper Rorsted mbơh ăp nau kan tă dơi geh bah ntrong kan tăch rgâl dŭt n’hâm nsôih ta Việt Nam, mbơh Adidas mra lŏ n’hao prêh rnoh ndoh ndơ dŏng ê nkra ta Việt Nam kŏ kơt lah n’hao lơn tay nau geh ê nkra ta Việt Nam, geh âk rnoh lơn tâm rnoh lam ntur neh bah Rmôt kan./.